Read full review
2016-05-15
2023 views
呢度十分隠世,估唔到原來係旺角。今日去開整電話,同事話果度樓上有間西餐廳,話一定要試個意大利飯。上到去,叫左個龍蝦汁海鮮意大利燴飯,整多個海鮮拼盤小食。先黎個海鮮拼盤,一睇我即刻好有胃口,賣相好靚,有蟹鉗、薯條、炸蝦、炸帶子、炸魚柳,全部都係賣飛佛,唔知以為自己開緊PARTY。蟹鉗好大隻,金黃色好靚,食落去好多肉,又有咬口。薯條唔係一般快餐廳果D,係原個薯仔切出黎炸,所以真係好好食。炸蝦炸帶子唔洗講,點埋個泰式辣醬就唔會話感覺好熱氣,而佢個魚柳有三條架,真係好滿足。 再黎個龍蝦汁海鮮意大利燴飯,落單時要求要半熟。查實我知道意大利飯真係唔容易煮,要做到有咬口,唔淋,又唔好太硬,真係要好有功夫先得。一黎,係真係好鬼香,上面有好多粒細帶子同埋有青口。先試隻青口先,食到有白酒同蒜味,令到隻青口好香好鮮,味道好好,青口既鮮甜味道出哂黎。另外一樣特別係個龍蝦汁,滲透係飯粒之間,令到每一口飯食落口都有好濃郁龍蝦味。飯粒真係做到半熟,所以係一粒粒好有咬口,好正,份量啱啱好,唔似有D地方得果少少到喉唔到肺。 跟餐有杯野飲,我叫左個巨峰提子乳酪,酸酸地幾開胃,令我可以食多D野。而且
今日去開整電話,同事話果度樓上有間西餐廳,話一定要試個意大利飯。
上到去,叫左個龍蝦汁海鮮意大利燴飯,整多個海鮮拼盤小食。
先黎個海鮮拼盤,一睇我即刻好有胃口,賣相好靚,有蟹鉗、薯條、炸蝦、炸帶子、炸魚柳,全部都係賣飛佛,唔知以為自己開緊PARTY。蟹鉗好大隻,金黃色好靚,食落去好多肉,又有咬口。薯條唔係一般快餐廳果D,係原個薯仔切出黎炸,所以真係好好食。炸蝦炸帶子唔洗講,點埋個泰式辣醬就唔會話感覺好熱氣,而佢個魚柳有三條架,真係好滿足。
再黎個龍蝦汁海鮮意大利燴飯,落單時要求要半熟。查實我知道意大利飯真係唔容易煮,要做到有咬口,唔淋,又唔好太硬,真係要好有功夫先得。一黎,係真係好鬼香,上面有好多粒細帶子同埋有青口。先試隻青口先,食到有白酒同蒜味,令到隻青口好香好鮮,味道好好,青口既鮮甜味道出哂黎。另外一樣特別係個龍蝦汁,滲透係飯粒之間,令到每一口飯食落口都有好濃郁龍蝦味。飯粒真係做到半熟,所以係一粒粒好有咬口,好正,份量啱啱好,唔似有D地方得果少少到喉唔到肺。
跟餐有杯野飲,我叫左個巨峰提子乳酪,酸酸地幾開胃,令我可以食多D野。而且個賣相都好靚,我比較貪心,如果再大杯D就更好了哈哈。
地點一流,下次要再黎食佢個TEA SET!
Post